Ka lehniam Durga Puja yong kiwa ngait niam Hindu kawa jooh pyndep chisien chisnem da man ko kawa lai bait ha uni u snem ha Shiv Mandir Complex, Iawmusiang, Jowai ya kawa da pynman da ka Sarbajanin Durga Puja Committee.
Ynne i janmiet u Dolloi ka Elaka Jowai, u Puramon Kynjing da lai sakhi u ya kani ka lehniam ha kani ka Mandir.
Neiliang kiwa kitkaam ka Committee da pynkup burom ki ya u Dolloi wei da e khublei ki ya kiwa synraan ya oo.
Neiliang u Puramon Kynjing da e khublei u ya waroh kiwa ngait niam Hindu kiwa em hapoh ka Elaka.
Da ong u wa e wa i pyndep ya kani ka lehniam daw wanrah ko yei suk wa i kmen khamtam lyngba i ngooh Blai yong ki u yoh ka ri wa ka jaitbru ya i roi i paar wa i ya maya hanla em i yaphær hei rukom ngait niam.
Discussion about this post