Ka 5th Adelbert Laloo Memorial Trophy kawa man leh ka 3rd Division Football Tournament 2025 ka West Jaiñtia District Sports Association (WJDSA) dapoi noh ko cha wakut da ka yakhun Final hapyrdi ka Riatsaliya Mihmyntdu wa SCSC Nonglatem.
Ka yalehke da man ko kawa ya ryngkat bor bha heiwa ym wa yoh u thap kool hadooh wa kut i por wa da booh.
Kamtæ yow rai ya ka liang wa jop da pynman dei yachut Tie-Breaker heiwa ka Riatsaliya da jop ko da 4-3.
Ha kani ka sngi da saam leh ki khusnaam cha kiwa yalehke heiwa yei naam Man of the Match da jop u Bankerlang Rynjah uwa yalehke ka Nonglatem, yei naam Best Goalkeeper da yoh u Kyntulangki Chyrmang na ka Riatsaliya Mihmyntdu, yei naam Top Scorer da yoh u Meban Kharsoti uwa yalehke ka Riatsaliya Mihmyntdu uwa da thap 7 tylli ki kool katwa yei naam Player of the Tournament da yoh u Ditol Langshiang uwa yalehke ka Nonglatem.
Discussion about this post