Ka Cheque wa soi da uwi u Principal ka skur sorkar wa em ha Sirmaur District ka Himachal Pradesh pynsoohkpoh ko ya ki paidbah deiwa bakla u thoh dak deiwa yoo chutia bha.
Kani ka Cheque kawa em tarik 25-09-25 toh kawa da e cha uwa kreh mylla ha kani ka skur tangwa manda poi ha Bank da chah kyntait kani ka Cheque neidaw wa boon ware iwa bakla hawa thoh.
Kani ka Cheque toh neibynta Rs 7,616 kawa da thoh hei pyrtuid u Atter Singh tangwa manda thoh won dei dak yeini i dor, da thoh Saven heithaw Seven, Thursday heithaw Thousand, Six Harendra heithaw Six Hundred wei heithaw Sixteen da thoh Sixty.
Ym da tip tikna wa lada thoh u Principal ya kini ki dak tangwa lada thoh da kiwi leh da pynyoo wym em chimkhia u yeini chwa wow e kti ya ka Cheque.
Ki paidbah ha ki Social Media da em kiwa sñiawsih wow yoo yeini i rukom man ki skur sorkar wei em won kiwa da pynbaad ya ka Reservation System wa em ha India wa heithaw wow yaknieh kat kiwa stat dooh tangwa da yoh cha ki wym em stat.
Em won kiwa ong wa ka Himachal Pradesh da phah ko ya kiwa sikai wot cha baar ri yow yoh buit thymme ki tangwa ha Sirmaur da pynyoo sakhiat yei long i man i puræ puthi.
Discussion about this post