Hadooh ka sngi yap phah kset ka yung bichaar ya ki 3 ngut wa thmu yaleh thma pyrchah ya ka India

Ka yung bichaar Sessions Court ka Rajkot Gujarat da phah kset ko ya ki le ngut kiwa na West Bengal hadooh ka sngi wa yap ki neidaw wa pynchlur ki ya ki yurim wei rukom pyrkhat ki Terrorist dei thmu leh wow yaleh thma pyrchah ya ka ri.

U Additional Sessions Judge, u I.B. Pathan da phah su u leh ya ka kuna wa Rs.10,000 samen kini ki le ngut.

Ka yung bichaar ha ka hukum wa 85 sla kawa da pynmih ha ka 30 tarik u Naikhynde, da ong ko wa kini ki le ngut da sooh buit ki wow lai cha Kashmir yow man kam ki dkhot ka Ansar Ghazwat-ul-Hind kawa man ka seiñ wa em hapoh ka Al-Qaeda, dei thmu wow hiar thma ya ki chipai ka Indian Army kamjooh ki pulit. Ka yung bichaar da chem ko wa da thmu ki leh wow wanrah ya ka Sharia Law ha India wei wow pynchlur ya ki khynroo Muslim ka Rajkot wow leh Jihad.

Da chem leh wa kini dadep ki leh wow thied Pistol deilang wa 10 tylli ki kuli yow leh ki kaam pyrchah ri heiwa da pynlang poisa ki mar ₹10,000 yow thied Pistol na u bru wa tip kam u Muzzammil.

Ya kini ki le ngut da yoh wow kem da ka Anti-Terrorist Squad ka Ahmedabad ha u July-August 2023 hadien wa em wa pyntip cha ki yei thmu kini ki bru deiwa tip ki bru wa da sdang ki u wow yalap yeiwa ngait ka Al-Qaeda hapoh ka Mosque wei da pynemkaam ki leh ya ki rynsan Social Media, ki Group ha ka Telegram App wa pyrtuid Rah-e-Hidayat, deiwa klam pyrchah ya ka sorkar.

Kini kiwa da kem ka ATS toh u Abdul Shakur Ali Sheikh (20 snem) na Bardhaman District wa u Aman Siraj Malik (23 snem) na Hooghly District, hajan ka Parcel Office ka Rajkot Railway haka 31 tarik u July, 2023.

Related posts

Pynsoohkpoh bru ka Cheque wa soi u Principal ka skur sorkar

October 1, 2025

Kynjoh 13 snem i lai luti ka KKCN Chilliangraij

October 1, 2025

Na u Abdul Shakur da chem ki pulit ya ka Pistol wa ki kuli katwa na u Aman Malik da yoh ya ka Mobile Phone wa ki SIM Card wei na ka Mobile da chem ki sabut wa yatoh wa ka Rah-e-Hidayat kamjooh ki thoh ki tar kiwa da mang wow leh pyrchah ya ka ri.

Hadien wa takit ya kini da yoh wo kem sa u Shaknavaz Ek Shahid (23 snem) uwa na Bardhaman District wei na uni u leh da chem boon ki kot ki sla wa yatoh wa ki kaam pyrchah ri.

Ka ATS da chem ko wa u Nawaz da em u ha Rajkot la ar snem katwa kiwi ki ar ngut won da em ki ha Rajkot kamwa 7-8 bnai.

Deiwa pynemkaam ya ki App wa boon wa kynthup ya ka Telegram da yaklam ki wa u heh ka Al Qaeda ha Bangladesh uwa da yahluti ya ki.