Jowai: Ka khubor wa da yoh na Ophis ka Jowai Municipal Board (JMB) da ong wa ki yong kani ka Ophis da ood ki wa la san bnai, nadooh u Naisaphra (August) 2016 hadooh u Duyatra (January) 2017 ym pu em yoh tulop ki.
I dooh tulop kiwa kreh ka JMB toh ym du tang ki 24 ngut ka Jowai Town Committee yong ka Jaiñtia Hills Autonomous District Council lyngba ka Agreement, tangwa ki 18 ngut ki kiwa na ka Government Sanction leh ym em u yoh tulop ki.
Ha ki snem nachwa kiwa kreh hapoh ka Jowai Town Committee yoh tulop ki na ka District Council, wei ym jooh thut i rukom yoh tulop ki tangwa kani man ko kawa dei kylla katni hadien wa da e noh da ka JMB.
Hapoh ka ophis JMB em kamwa 50 ngut ki wa kreh wei i su tulop ya ki da kynjoh i cha ka T. 9 lak chibnai.
Discussion about this post