Jowai: Ka Dorbar Raij Namdong da pynsñiaw ko ya i sñiawdiaw yei ieh mylliñ ka Sorkar Jylla ya ka Namdong C&RD Block kawa da dep pynbna ha Namdong wei ya i thaw leh da dep wow e sñiawbha da ka Dorbar Chnong yow chna ya i thaw kreh ka Block thymme.
Ka sorkar da dep pynbna ko ya 6 tylli ki Block thymme ha ri-loom Khasi wa ri-loom Garo tangwa ha ri-loom Jaiñtia won da mylliñ yei kular ka sorkar.
Kamtæ ka Dorbar Raij Namdong da kyntu joor ko ya ka sorkar jylla yow leh ko yeiwa emkaam khmatam ya u MLA u S. Dhar uwa man leh u Minister yong ka sorkar jylla uwa toh u pait ya ka C&RD Block yow yoh myntoi ki paidbah ka Constituency yong oo.
Ka Dorbar Raij Namdong katkam ka khubor na u Dawan Lyngdoh u dkhot yong ka Dorbar Raij Namdong wa u Waheh Chnong Namdong – A da ong u wa yoosar ki paidbah ym jooh pynman ki ka yakhih paidbah kamwa leh cha kiwi ki thaw kamtæ da pyndooh ki ya ka C&RD Block.
Discussion about this post