Nei pynyoo ya ki phlim na India chah thang wei chah siat ka Cinema wa em ha Canada

Ka Cinema wa em ha Oakville, Canada kawa pynyoo ya ka phim They Call Him OG kawa man ka phlim Telegu na South India kaw ak da u Pawan Kalyan da chah thang wei chah siat ko iwa da jia ha ka 25 tarik u bnai wa dep wa ha ka 2 tarik uni u bnai.

Kani ka baiscope toh kawa tip kam ka Film.ca Cinema, wei ha ka 25 tarik lyngba ki CCTV da yoo ya ar ngut ki bru wym chynna bha yei dur wa rah ki wa ki tadong phniang wei da sdang ki wow thang yei thaw psiah chapoh kani ka Cinema iwa da jia heipor kamwa 5:00 waje i step.

Ini i diñ ym em yoh i wow poor cha kiwi ki bynta wei da jia i leh heipor wa khang ya kani ka Cinema.

Ha ka 2 tarik won da wan uwi u bru wa rah Pistol hakhmat kani ka Cinema heipor 1:50 i step wei da siat u boonsien chapoh kani ka Cinema wei heini i por leh kani ka thaw man ko kawa khang.

Related posts

Kiwa poi chakhmat ye ki wow jied ya kawon ka College wa kwah ki u lai puræ MBBS: Wailadmiki

October 6, 2026

U pynman noh ya ka Selection Test ya kiwa kwah u lai puræ ha ka Umladkhur Eklavya Model Residential School

October 6, 2026

Hadien wa jia ini neiliang kiwa pynlai ya kani ka Cinema da rai ki wow sangeh chwa yei pynyoo ya ka Kantara: A Legend Chapter 1 wa ka They Call Him OG deiwa khuslai yeini wa jia wei i chngaaiñ yong ki paidbah wa wan cha kani ka thaw pait phlim.

I choon ya ki nong India kiwa em kamwa 1.86 million ngut kiwa im ha Canada toh iwa da joor bha ha kini ki por wa lai.