Ka yung bichaar da phah kset ko ya uwi u Social Media Influencer na France uwa tip kam u Amine Mojito hadooh 6 bnai hadien wa leh kyndeh (Prank) wow pyntieñ ya ki bru deiwa pynemkaam ya u thyrnia (Syringe) wa thylli iwa da pynchrai ya kiwa boon ha katai ka ri.
Ka Paris Criminal Court da phah ko wow kset ya u Amine hadooh 12 bnai heiwa 6 bnai toh heiyatoh wa i leh kyndeh da u thyrnia katwa kiwi ki 6 bnai won wa yatoh wa kiwi ki kaam pyntieñ wa kiwi ki kaam pyrchah aiñ.
U Amine uwa pyrtuid pura u Ilan M., da pawnaam u ha TikTok wa Instagram tangwa ini i leh kyndeh da u thyrnia hanla uwa thylli leh da pyntieñ u ya ki bru yeiwa da chah beiñ joor bha u yeini.
Hawa bichaar ya ka mukotduma, ki muktiar wa pyrchah ya oo da ong ki wa i leh u Amine toh iwa da pynchrai ya ki bru wei pynthut u yei suk ha ki thaw paidbah. U Amine nachwa da em u leh ki mukotduma (Case) dat bru kamjooh i pyntieñ bru.
U Amine da yasaaid u deiwa ong wa i leh kyndeh da u thyrnia man i wow pynwyrngia wei wow pynrkhai bru donhi tangwa da silet u yeiwa leh u iwa da pyntieñ ya ki bru.
Ki bru ha i Video da ong ki wa i leh u Amine da pyntieñ bha i ya ki khamtam wa rah u da u thyrnia neibhah ymtip yi em ha u thyrnia iwa ye u wanrah yei kjut i chitom wa joor.
Ha yung bichaar, u Amine leh da kubur u wa oo leh u tieñ u lada em wa pyntieñ oo da u thyrnia.
Discussion about this post