Hadien boon tylli ki snem, kattu daw wai noh ya ka Navi Mumbai International Airport (NMIA) ya ki paidbah wa lai wa wan kawa da chna heidor wa Rs. 19,647 klur.
Kani ka Airport em ko ha Ulwe hajan Panvel ka Raigad District wei daw wai ya ka da u Prime Minister ka ri, u Narendra Modi ha ka 8 tarik uni u bnai.
Kani ka Project, toh kawa da krehlang da ka Adani Group wa ka CIDCO heiwa ka Adani u mantre ko 74% katwa ka CIDCO won 26%.
Ka NMIA da yoh ko ya ka Aerodrome Licence na ka DGCA ha ka 30 tarik u Naikhynde iwa da wai luti wow wai noh ya ka.
Manda krehkaam ko, ka NMIA u ye ko u pdiang ya 9 klur ngut ki bru ha ka chi snem wei u kit ko ya ki mar (Cargo) hadooh 3.2 million metric tonne i wow pynman ya ka kam kawi na kiwa heh dooh ki Airport ha Asia.
Wow poi cha kani ka Airport na Borivali, Dahisar næ Mira Road ka Mumbai hap pyrkhat bha neibhah wa jngai ko 54-60 km wei da ka kari u chimpor ko chi kynta tam hadooh ar kynta. Ye leh u lai da ka kari na Western Express Highway lyngba ka Bandra-Worli Sea Link cha ka Eastern Freeway neitæ won ka Atal Setu (Mumbai Trans-Harbour Link) wow poi cha Navi Mumbai.
Wow rap chong toh dor i lai toh da ka rel heiwa da em ka Railway Station ha Targhar iwa jan bha wa ka Airport.
Discussion about this post