Pyrchang pakhot juti u muktiar ya u Chief Justice hapoh ka Supreme Court

Ka Supreme Court ynne da sakhi ko yei jia wym poi pyrkhat heiwa uwi u muktiar da pyrchang u wow pakhot juti ya u Chief Justice ka India, u BR Gavai heipor wa dang bichaar.

Ya uni u muktiar da tip kam u Rakesh Kishore heiwa da ksoh ya oo wei da yah ya oo cha lait da ki pulit.

Ini wan i hadien wa u Chief Justice da chah beiñ u hajrong ki kyntien wa klam u heipor wa bichaar ya ka mukotduma wow chna biang ya u mot wa da sih yong u Blai Vishnu ha Madhya Pradesh.

Hadien ini neiliang u Chief Justice Gavai da ong u wa ymtoh u thut i krehkaam na kam ini i jia neibhab kini waroh ym ktah ki oo wei da pteiñ u wow bichaar ya ki mukotduma.

Related posts

Chimkti ka Ampareen kam ka Adviser ka sorkar Meghalaya

November 4, 2025

Yachem u Andrew Shullai ya u DC ka WJH hajrong i wiar syndet u khoo Mid-Day Meal ki skur

November 4, 2025

U muktiar ka Supreme Court, u Rohit Pandey da ong u wa u Rakesh toh uwa man dkhot ka Bar Association nadooh u 2011 wei da ong u wa ini i jia ye i wow yatoh wa ka mukotduma wa yatoh wa u mot u Blai Vishnu.

Ha u Naikhynde da mih ka mukotduma wow chna pynmiat biang ya u mot wa jrong 7ft yong u Blai Vishnu ha Javari Mandir ha Madhya Pradesh, heiwa u Chief Justice Gavai da kyntait u ya ka mukotduma deiwa ong wa kani ka mukotduma toh wow kwah naam donhi.

Hawa kyntait ya ka mukotduma, u Chief Justice da phah u leh ya uwa yaleh mukotduma wow paan pyn na u Blai wow chna ya uni u mot wei da phah u oo wow lai ngooh Blai u.

Hadien wa chah beiñ hajrong ini, u Chief Justice da ong u wa da sñiawthooh bakla ki bru ya kini ki kyntien wei da ong u leh wa burom u ya waroh ki jait niam.