Uwi u Sahep IPS na ka Haryana (2001 Cadre), u Y Puran Kumar (52 snem) da chem yei metyap u ha i yung wa sah u ha Sector-11, Chandigarh ynne ka sngi heiwa da suba wa siat hi u ya idæ wei da chem leh ya ka chithi wa da thoh u kawa da ong wym hun u yei rukom man i kreh.
Ini da antaad wa jia i heipor 1:30 i sngi ha ka kamra tyngkong yung (Basement) wei da siat u ya idæ na khlieh da ka Service Revolver u deiwa chong ha ka chuki.
Chwa wow leh u yeini, da phah u ya waroh ki bru wa em ha yung u wow mih ki wei da lai hiar u cha Basement heiwa da chong u ha ka chuki wei siat u ya idæ.
U Kumar toh uwa chimkhia bha heiyatoh wa ki kaam hei pynlai ya ki pulit, i kyrdan, i hok ki sahep wei yaleh u wow wanrah yei krehkaam wa khooid hapoh ka chnat pulit wa ka sorkar.
U Kumar toh uwa na Andhra Pradesh, wei ym em tieñ u yei chah kyrriah kreh wei da klam bha u heiyatoh i hok ki Scheduled Caste (SC) wow ksoh yei kyrdan heh ha ki pulit.
U Kumar toh uwa da pyndep ya i puræ Engineering wei da kreh u kam u pulit ha ki District waphær waphær ka Haryana, chirup wa ka Ambala wa Kurukshetra wei da man u leh kam u Inspector General of Police (IGP) wow khlieh ya ka Ambala wa Rohtak Range, kamjooh ka Home Guards, Telecommunications wei u chong-ngiah u ha u 2033.
Ha ki snem wa dadep da embynta u ha ki kaam wa yatoh wa i rukom krehkaam hapoh ka chnat pulit kamjooh i kajia wa ka sorkar Haryana.
Ha u Naitung 2024, u Kumar da pynuiñ u ya ka kari wa e ya oo cha ka Police Department wei da dawa u wow yoh ka kari katkam i kyrdan u.
Ha u 2024 da kylli u yei rukom pynku kyrdan ya ki sahep IPS na ka Batch 1991, 1996, 1997 wa 2005 ha Haryana. Da thoh u cha u Chief Minister, u Nayab Singh Saini, heiwa u Kumar da ong u wa i rukom pynku kyrdan man iwa pyrchah aiñ wei pyrchah ya ki kyndon ka Ministry of Home Affairs.
Ka kurim u Kumar, ka Amneet P kaww man ka sahep IAS katni em ko ha Japan chirup wa ka dhab u Chief Minister, u Nayab Singh Saini.
Discussion about this post