Chah suspend ar ngut ki PSO u Zubeen Garg heiyatoh wa ki kaam poisa wa da poi klur

Katwa i takit yei yap u Zubeen Garg dang pteiñ i, ar ngut ki Personal Security Officer (PSO) yong oo da chah Suspend ki hadien wa chem wa em chiboon ki kaam poisa wa da kynjoh klur wa embynta ki.

Kini ki PSO kynthup ki ya u Head Constable Prabin Baishya wa u Constable Nandeshwar Bora kiwa na ka Assam Police Special Branch wei i kaamram ki toh wow yada ya u Zubeen hadien wa chah maham u ha ka ULFA. 

Ka Special Investigation Team (SIT) da chem ko yei psiah i mih ka poisa wa da ki klur ha ki Bank Account kini ki ar ngut. Kani ka poisa toh ka bai Recording wa ka poisa wa toh u su cha u Zubeen Garg tangwa da phah cha ki Account yong ki lynga ka G-Pay wa kiwi.

Related posts

Kyrpaad ka HITO wow thooh tre yei daw wa yap u khynnah skur ka North Liberty

October 8, 2025

Kyrchaan ki paidbah yei chna pynheh ya ka Shillong Airport hawa pynman Public Hearing

October 8, 2025

I takit dang chem wa em Rs. 70 lak wa da phah cha ka Account u Nandeshwar Bora katwa Rs. 40 lak won cha ka Account u Prabin Baishya, heiwa boon na ka poisa toh wa da phah lyngba ka G-Pay.

Neiliang ka CID dang puræ bniah ko yei lai i wan ka poisa wa yatoh wa u Zubeen wei wow chem lada em i pynemkaam bakla ya ka poisa.