U Kynshanbor Kharmyndai (7 snem) uwa wiar hei janmiet ka 8 tarik na pchem yung wa em ha Lummarboh Block-4, Nongrah, Shillong heiwa da chem yei metyap u ynne i step ha i thaw wa tip kam ka Lum Rumnong ha Mawpat toh u khonswet wa ri da ka Beiheh u.
Ka Beiheh u kawa tip kam ka Silirin da ong ko wa wiar u heipor wa dang yalehke ha pchem yung wei ymtoh wa jngai na khmat yung.
Da khana ko wa ya u Kyrshanbor da ri da ka hi wei heipor wa wiar u da lehke u kamwa jooh hi ha pchem yung tangwa heipor kamwa 4:00 waje da khut ko oo wei ym em wan u, kamtæ manda mih ko cha lait da khyrngiat ko wow yoo wym em de u wei da thooh ko ya oo chawah chaneiñ tangwa ym chem de oo.
Kamtæ da pyntip ko cha ki bor chnong kiwa da pynbna tanghæng wei da ya mih yong chnong wow thooh ya uni u khynnah.
U Kyrshanbor toh u khon ka diah ka Beiheh u kawa da ri oo hadien wa yap ka bei u.
Kani ka thaw wa wiar u Kyrshanbor man ko leh ka thaaiñ wa wiar ka khynnah kawa dang 4 snem ini wa dep heiwa yei metyap ko da chem na iwi i thaw wa lang um wa em pyn hajan i thaw wa sah ko.
Discussion about this post