Ka Fete ka Shilliang Umshong Sports Club kawa da hap wow kyrriah tarik ini wadep neidaw wa joor pynthut u slap wa la-ær, da pynbna wow pynbniang ka ha ki ar sngi uni hi u bnai October.
Neiliang u waheh chnong ka Shilliang Umshong, u Heman Rymbai da pynbna u wa ya kani ka Fete u pynmman ka ha ka 13 wa 14 tarik uni u bnai Octber 2025 heiwa daw pynkhle leh ya ka Lucky Draw wei daw em leh Bumper Housie.
Ha ka 13 tarik daw pynyoo ya ka phlim “Wa Bakla” heipor 5:00 waje i janmiet wa heipor 8:00 waje i miet.
Ha ka 14 tarik won daw wan kawa chaad wa pawnaam ka Jowai, ka Iari (Dance With Iari) wa u DJ Ryan. Ha kani ka sngi daw em leh ka Bumper Housie kawa hadooh ₹ 1,25,000 kawa daw pynman ha madanbol ka Shilliang Umshong Sports Club wei daw pynkhle leh ya ka Lucky Draw.
Kamtæ da kyrpaad ya phi ki paidbah wow ya wan pynchongchit wei wow ya chimbyntalang wa ka Club ha kani ka Fete kawa da em boon kiwi de ki kaam pynwyrngia.
Discussion about this post