Yap uwi u Karbi heipor wa pynthut yei ah kba ki Pnar ha Lapangap

Ynne i step da pynman yei ah kba ha chnong Lapangap, West Jaiñtia Hills hapoh i pait i yoo wa i yada ki pulit ka Meghalya wa Assam.

Heipor wa dang ah kba da mih i awri wa i yachoh hapyrdi ki Pnar ka chnong Lapangap wa ki Karbi na chnong Tahpat (Assam).

Ha ini i jia da yap uwi u bru na ka jaitbru Karbi hanla ym em u pynemkaam palat pood ki pulit yei bor yong ki wei da yap u nei yachoh hapyrdi ki ar liang.

Neidaw wa haap ini i thaw ha Meghalaya kamtæ da Register ya ka Case ha Nartiang PS.

Hadien wa jia ini, da sangeh leh yei ah kba kat hadooh wa pynbna deiwi tawon.

Ki Karbi da wanrah ki da ki wait wei nei em ki pulit ka West Jaiñtia Hills da ye wow yada ya ki Pnar katwa dang ah kba ki.

Related posts

Yoh kjut palat 50 ngut ki khynnah ka JNV Rymbai nei leh habra i pynkhreh baam ya ki

November 25, 2025

Yap ka kynthai wa haap napoh ka kari wa yah u chan ko | Dang pynman ki pulit yei takit

November 25, 2025

Ki pulit ka Meghalaya da siat ki leh ya ki Tear Gas wow beh ya ki Karbi na ini i thaw.

Ya uni uwa da yap da tip kam u Orivel Timung (45 snem) na Tahpat, Karbi Anglong wei yei metyap u da kit cha Hamren.

Da Register ya ka Case katkam ka C/No 34 of 2025 ha Nartiang PS hapoh ki kyndon – 103(1),117(3),117(4),119(1),121(1),121(2),189(1)-191(3),195(1),195(2),329(1),331(5),332 wa 333 ka BNS.