Da thung da ka SIT yow takit yei chah pynyap u khynnah | Ym ye u pynbaad ya ki pulit manda jia kam ini: Prestone

U Deputy Chief Minister uwa pait leh ya ka chnat Home (Police), u Prestone Tynsong ynne da pynbna u wa da thung da ka Special Investigation Team (SIT) yow takit yei chah pynyap u khynnah wa dang 7 snem, u Kyrshanbor Kharmudai, deiwa kular u leh wa daw kem ya kitu kiwa emkti.

Kani ka SIT u yahkhmat da u SP ka East Khasi Hills wei da yooluti u Prestone wym slem de daw ye u kem ya kiwa emkti.

Uni u khynnah da wiar u na yung wa sah u ynnin ka janmiet wei da chem yei metyap won ynne i step na Mawpat.

U Prestone da pyntip u wa dang yang ya ka Post-Mortem Report tangwa katkam wa da chem kattæ da man ko ka kaam pynyap bru.

U Prestone da ong u leh wa ym man iwa yahaap wow pynbaad ya ka sorkar manda jia kamni deiwa pynrap wa emkaam yei ya paitbniah leh da ki manbei manpa wa kiwa chong chnong yow yada ya kam kini ki kaam.

Related posts

Pynhær u Modi ya ka lama ha khlieh ka Ram Mandir kam ka dak wa dadep yei kreh ya ka

November 25, 2025

Ymtoh wa wan chong pho hapoh ka Cafe Coffee Day: Mai u Judge ya ka Muktiar wa jubab ‘Ya Ya Ya’

November 25, 2025

“Hap i wow sikai bha ya ki bei ki pa wow syndong ki ya ki khon ki deiwa pynsñiawthooh ha iwon i rukom wa jia kamni,” da ong u Prestone.

Da ong u leh wa ki pulit da leh ki katwa ye yow yada ya kiwa chong chnong tangwa manda jia ki kaam tyngkheiñ aiñ ym ye wow ong toh neidaw wa tlot ki bor pulit.

Da kular u leh wa ka sorkar kwah ko wow wanrah yei chngaaiñ ya kiwa chong chnong wei wow kem wei pynchitom ya kiwa emkti ha ini iwa jia ya uni u khynnah.