Sdang ka FUTSAL da i chim bynta ka-it mynsien kiwa khynnah wa khynroo

Jowai : Ka yakop FUTSAL kawa chibynta ka Positive Addiction Campaign wa pynman da ka Anti-Narcotics Cell ka Police ka West Jaiñtia District yow taan ya ki khynnah kamjooh ki khynroo wa ki waheh cha ka yalehke football wa kiwi ki kaam yow yait u kiar na i dih drugs da sdang ya ka ynne ka sngi ha Kiang Nangbah Stadium, Ladthadlaboh.

Ha ka yalehke FUTSAL da em 32 tylli ki dhab wa wan chimbynta wei hadien ka 1^st Round wa ka 2^nd Round da sah sa 8 tylli ki dhab wow yakhun ya ka Quarter Final mynstep ka 11 tarik. Ki yaleh man ki kamni ha wah.

Luti Tuber SC Vs Khliehtyrshi SC heipor 10 waje i step.

Dulong SC Vs Chilliangraij SC heipor 10 waje i step.

Khimusniang SC Vs Malniang SC heipor 10 waje i step.

Sohmynting SC Vs Mookyndur SC heipor 10 waje i step.

Ynne ka sngi da pynman ym du ka yakop FUTSAL da em leh ki pynyoo rong kari na Hyundai, Maruti, Datsun, Mahindra kiwa yoh ki paidbah leh u yah wei da em leh ki thaw baam ka yakop Basketball Free Throw wa kiwi kiwi.

Mynstep ka 11 tarik daw em leh kiwa rwai wa pawnaam ka Jowai wei kamjooh leh ki paidbah ye ki u rwai, u chaad kamjooh yow pynyoo ya ki sap yong ki wa boon jait.

Kamtæ da khut lang ya waroh wow wan chimbynta ki wei ym em chim bai psiah cha kani ka thaw.