Neiwa muaid heipor yah thuk-thuk yoh kem ki pulit ya ki ar ngut | Chem ar tylli ki suloi wa chna hi

Ar ngut ki damok kiwa da emkti ha kiwa boon ki kaam pyrchah aiñ wei kiwa da thooh leh da ki pulit da slem, da yoh noh wow kem ki ynnin i miet da ki pulit ka North Garo Hills hadien wa tyrrah ka thuk-thuk wa pynemkaam ki hajan ka chnong Berubari iwa dang haap hapoh ka Bajengdoba PS ka North Garo Hills.

Ki pulit mar ya tip yeini da lai ki cha ini i thaw heiwa da chem wa ka thuk-thuk kini ki ar ngut da tyrrah ko ya uwi dieñ wa em ha rood u sarok NH-51 wei waroh ar da thiah mynsoo ki wei da kit noh ya ki cha Bajengdoba PHC yow sumaar ya ki.

Chwa u poi ki pulit, ki paidbah da chem ki napoh ki muna kini ki bru ya ki suloi deilang ka wiat iwa pynman ya ki paidbah wow dat ya kini ki ar ngut wei deiwa wan ki pulit da ye wow rah ya kini ki ar ngut deilang ka thuk-thuk wa pynemkaam ki (ML-07B-7072 Bajaj Platina) cha ka Police Station.

Hadien wa leh ya ka Medical Examination da chem wa waroh ar ngut toh kiwa da dih kiad iwa dapoi chei tyrrah ki ya uni u dieñ.

Uwa yah ya kani ka thuk-thuk toh u Walchang K Sangma uwa na Salmanpara, SWGH District uwa da mynsoo neibynta ka kti timun wa tidiang deilang i thnga katwa uwa chong hadien uwa tip kam u Mikselbirth Sangma uwa na Gabil Bisa, PS Rongjeng, EGH District da mynsoo ka kjat timun wa u tympong wa i khliehkyrsu timun.

Na ki ar tylli ki muna kini ki ar ngut da chem ar tylli ki suloi, 5 tylli ki Mobile Phone, kawi ka wait, i dawai Odomos, i dawai Diclowin Plus deilang wa ki that ki nep.

Related posts

Hapoh 14 sngi u Chargesheet ki pulit ka Ri-Bhoi ya uwa slaitbor wei pynyap ya ka khynnah wa dang 13 snem

October 11, 2025

Da em uwa suba emkti hei pynyap ya ka khynnah wa dang 13 snem uwa da yut

October 10, 2025

Hawa takit ya kini, da chem wa u Walchang toh uwa dadep chah kem ha ki pulit ka Ampati nachwa yei kaam wa leh u pyrchah ya ka kynthai wei da chah kset u da ka Judicial Custody 7 snem katwa u Mikselbirth toh uwa da chah kset ha ki kaam rahbor (Kidnapping) ha ki pulit ka Ampati hi.

Kini ki ar ngut da yachem ki ha District Jail Tura, West Garo Hills wei heini i por da ya sooh buit ki wow leh ya ki kaam pyrchah aiñ manda lait ki.

Da phla ki leh wa da tooh ki ya 3 tylli ki Mobile Phone napoh kawi ka Bus wei ya ka thuk-thuk da tooh ki na Rongmil, East Garo Hills District ha ka 10 tarik uni u bnai wei dang mut ki wow lai cha Assam yow dai ka tangwa da jia i tyrrah ki ya u dieñ

U Walchang da phla u leh kini ki suloi toh kiwa chna u da oo hi ha i yung ka beipun u wa em ha RC Road, Tura wei da pynemkaam ki yow pyntieñ bru hawa lute ki.