Ha ka 13 tarik uni u bnai heipor wa dang kynreh kari ki pulit ka Mawryngkneng PS yow thooh ya ar tylli ki thuk-thuk ha i thaw wa tip kam i Mawryngkneng-Kynroh Maram, da wan kawi ka thuk-thuk kawa pynhær bha ka wym bien u sangeh heipor kamwa 10:30 i miet.
Kamtæ heipor kamwa 10:45 i miet da chem ya kani ka thuk-thuk Royal Enfield wa em Number AS-01FY-0871 wa em wa ieh ka ha chnong Mookyndur, West Jaiñtia Hills.
Hawa pynman yei thooh ya kani ka thaw da chem ya soo ngut ki bru kiwa tip kam u Kleston Gympad (32 snem), u Behelden Khyriem (20 snem) wa ar ngut kiwa dang hapoh 18 snem kiwa chong chnong ka Amlari Model, West Jaiñtia Hills kiwa man kam ki bru wa chimkti ya ki thuk-thuk wa chah tooh.
Ki pulit da chem ki leh ya kawi ka kari Alto wa kamai Tourist kawa em Number ML-04D-4797.
Kani ka Royal Enfield toh kawa tooh na Guwahati Pan Bazar wei ki pulit ka Guwahati da wan ki wow chimkti ya kini ki bru.
Discussion about this post