Ka Cape Verde kawi na ki ri wa khian dooh hapoh pyrthai kawa em du kamwa 5,25,000 ngut ki bru hei sien nyngkong da yoh ko wow psiah World Cup deiwa jop ya ka Eswatini da 3-0 yow yoh nyngkong ha ka African Qualifying Group.
Ka Cape Verde toh kawa em ha ka duriawbah Atlantic Ocean neiliang sepsngi ka Africa wei man ko leh ka Island Nation wa kynthup ya 10 tylli ki Volcanic Island.
Ka Cape Verde da man ko kawa ar na ki ri wa khian dooh wa yoh u psiah World Cup hadien wa yoh ka Iceland u psiah ha u snem 2018 kawa em du 3,52,000 ngut ki bru.
Ka Cape Verde da em ko ya ka FIFA Ranking wa 70 wei ha ki yalehke ka Africa Cup of Nations da jooh yoh ko u psiah Quarter Final ha u snem 2013 wa u 2023 tangwa ini wa you u psiah cha ka World 2026 kawa daw pynman ha USA wa Mexico da pyntam i ya waroh kiwa da ye ki u leh nachwa.
Kiwa boon kiwa yalehke ka Cape Verde toh kiwa da sah cha ki ri ka Europe kam ha Portugal, France wa Netherlands.
Ha iwi won i liang, ka India kawa ye u man kattæ ka ri wa boon bru dooh hapoh pyrthai da rem ko da 2-1 ha ka Singapore ynnin i miet ha ka yalehke wa da pynman ha Goa.
Da ini i rem da kut i lai luti ka India hei pyrchang wow psiah (Qualify) cha ka AFC Asian Cup Saudi Arabia 2027.
Ha kani ka yalehke u Lallianzuala Chhangte da thap nyngkong u ya ka India ha ka minit wa 14 tangwa ka Singapore da su kylliang ko lyngba u Song Uiyoung (44′, 58′).
Discussion about this post