Chah kem u heh ka NHIDCL wa baam poisa Rs. 10 lak, chem ka CBI sa Rs. 2.62 klur

Ka CBI da chemdien ko yei kreh tooh kawi ka Company wa tip kam ka Mohan Lal Jain wa ka NHIDCL (National Highways and Infrastructure Development Corporation Ltd.) wow pynyinsur yei por wow pyndep u kreh ya u sarokbah. 

Heiyatoh wa ini, ka CBI da kem ko ya u Executive Director ka NHIDCL Regional Office, Guwahati, uwa baam ya ka poisa Rs. 10 lak na kani ka Construction Company deilang u bru yong ka uwa tip kam u Binod Kumar Jain wei da wanrah ya ki ar liang ha ka Court of Special Judge, CBI, Guwahati.

Ki pulit ka CBI da kem ki ya u Maisnam Riten Kumar Singh, Executive Director and Regional Officer ka NHIDCL, heipor wa pdiang u Rs. 10 lak na ka M/s Mohan Lal Jain, Kolkata kawa kreh ya ka sarok Four-Lane ka NH-37 na Demow hadooh ha Moran Bypass.

Ka CBI da ong ko wa uni u heh ka NHIDCL da dawa poisa u wow pynyinsur yei por wow pyndep ya i kreh ya u sarok.

Related posts

8 kynta hær ka lieñsuiñ ka India khlem da tip wa bakla

March 22, 2026

Bia u sahep IAS thok ya kawi ka bru du wow yut wa ki phaw lak ka poisa

March 22, 2026

Chooh chooh ka CBI da kynreh ko ya ki 7 tylli ki thaw kreh wa ki yung u Riten ha kylleiñ ka ri heiwa da chem ya ka poisa Rs. 2.62 klur.

Ka takit da chem ko wa da thied u 9 tylli ki thaw wa 20 tylli ki yung (Apartment) hei pyrtuid yong oo wa kiwa ha-yung u ha kylleiñ ka ri. Da chem leh ki kot ki sla wa thied u ya ki kari wa syad dor.