Yoh ka Green Valley yei kyrchaan yow tih moochuni hei thaw wa heh 44.58Ha, pyrchah du ka KSU Narpuh Circle

Ka KSU Narpuh Circle ynne ka sngi da lai ko wow pyrchah ya ka Public Hearing ka Green Valley Industries Ltd kawa da pynman ha Lumshnong dei thmu wow tih ya u moochuni hei thaw wa heh 44.58 Hectare wa tip kam ka “Surve Larung Limestone Deposit” wa em ha Surve Larung.

I pyrchah toh hajrong ka yurim wa kani ka karkhana daw pynjæd pynpra ko ya ka ramaw deiwa kylli leh wa ileh ki paidbah ym sñiawthooh ki wa hadooh katwon da lwet ki khloo ki kjam. Ka seiñ da kylli ko leh katwon tylli ki Company kiwa em hapoh ka Elaka Narpuh kiwa da pynjæd thiaw ya ka ramaw wei khlem da pynbha de ka.

U KS Suchiang, President ka KSU Narpuh Circle uwa da yieñ yow pyrchah da ong u wa kynmoo wa ka spah wa i yoh i toh kawa dang ye wow ñiaw kawa ye u chah tooh wei kawa daw jæd tangwa i khyndaw u chyiap kiwa da pynyoh da ki longchwa manchwa deiwa yaleh da i snaam wa pynjoo ki toh ka kaamram yong i wow ri u sumaar ya ka.

Related posts

Su kiwa na UP Rs. 2.6 lak yeiwa leh pynsih ya ka Homestay ha Shillong | Chah daiñ kuna leh ha ka HC

September 9, 2026

Chah khyrrup kiwa kreh sorkar hawa mut wow lai yarap ya u khla wa mynsoo

September 9, 2026

Wei lada ym em i thaw ka ri leh ym em najrong wa kattæ i chit nang joor i, ka lær dang jakhlia wei i ood nei tympdung nei tih moochuni leh dang joor i, kamtæ iyi wow jia ya ka pateiñ wow wan.

Lait na ka KSU da em uwi uwa chong chnong ka Lumshnong wa pyrchah katwa kiwi kiwa boon nadooh ki heh ka Elaka Narpuh wa kiwa chong chnong da kyrchaan ki ya ka Green Valley yei thmu yong ka wow tih moochuni.