U Deputy Commissioner (Supply) ka West Jaiñtia Hills da phah Notice u cha waroh ki dukan (Commercial Establishment) wa kynthup leh ya ki thaw baam wa kiwi de kiwa em hapoh ka District wow dam wow sangeh noh ki wow pynemkaam da ki Domestic LPG Cylinder hawa leh ya ki kaam kamai kajih.
I pynemkaam da ki Domestic Cylinder man ko leh pyrchah ya ka Liquified Petroleum Gas (Regulation of Supply and Distribution) Control Order, 2000, katkam wa da kdaw ha ka Clause 3 (C) wa 7(C).
U DC da ong wa da chem wa kiwa boon ki Hotel, ki Restaurant, dukan cha, ki Canteen wa kiwi de wa pynemkaam ki da ki Domestic LPG Cylinder wei ini ym du wa man i pyrchah aiñ tangwa man ko leh iwa maa neibhah ki Domestic Regulator, ki Stove wa ki Pipe ym em chna ki wow pynemkaam ha ki thaw wa taan chiboon bha ka Gas.
Kamtæ da phah ya waroh ki dukan, ki Hotel, ki Restaurant, ki dukan cha dukan ja, ki Canteen wow lai chim ki da ki Commercial LPG Cylinder.
Kitu ki wym leh yeini daw chah pynchitom ki katkam ka aiñ LPG Control Order, 2000 wa kiwi de ki aiñ.
Waroh ki LPG Distributor ka District da phah ya ki wow bood yeiwa da phah wei lada chem ya kiwa pynemkaam bakla ya ki Cylinder wow lai pyntip cha u Deputy Commissioner (Supply), Jowai.
Discussion about this post