Jowai : Ynnin ka 10 tarik heipor kamwa 5:30 i janmiet ka petrol pump kawa em ha Phramer – Shangpung Road, West Jaiñtia Hills da chah lute ko ha ki le ngut ki damok.
Kini ki damok da lute ki T. 2.5 lak na kani ka petrol pump.
U Manager kani ka pump, u Chandra Kan Singh da ong u wa kini ki le ngut da wan ki ha ka thuk thuk deiwa tymmoh khmat heiwa da psiah yabor ki cha ka counter wei da rah ki ya ar tylli ki pistol wa kawi ka tari wei hadien wa leh ki yeini i kaam da yut ki cha liang East Jaiñtia.
Ha ka 6 tarik uni hi u bnai da em le ngut ki bru wa wan da ka thuk thuk kiwa da lute ya kawi ka petrol pump ha Dkhiah, East Jaiñtia Hills hadooh T. 9 lak.
Also Read: Chah lute ka Petrol Pump ha Dkhiah
Discussion about this post