Jop ka Tyrshang wa ka Dongmihsngi ha ka 1st Division ka TSA

Ka 1st Division ka Thadlaskein Sports Association (TSA) da pteiñ ka ynne da ar tylli ki yalehke.

Ha ka yalehke wa nyngkong, ka Tyrshang da jop ko ya ka Maia SC da 3-1.

Ya ka Tyrshang da thap kool da u Pyrkhat Tyngkra ha ka minit wa 19, u Johnforce Kharpomtiah ha ka minit wa 51 wa u Jerimaia Shadap ha ka minit wa 55 katwa ya ka Maia da thap da u Da O Hi Pale ha ka minit wa 30.

Ha ka yalehke wa ar, ka Dongmihsngi SC da jop ko ya ka Lumsharatoh SC da 3-2.

Related posts

Poi ka 1st Volleyball Open to All Tournament ka West Jaiñtia Volleyball Association cha wakut

February 3, 2026

Daw pynman ya ka Trial yong ka AIFF-FIFA Academy ha Shillong neibynta ki khynnah chynrang wa kynthai

February 2, 2026

Ya ka Dongmihsngi da thap kool da u Sylvester Rymbai ha ka minit wa 10 wa 73 wa u Teimi Nongrum ha ka minit wa 64 katwa ya ka Lumsharatoh da thap da u Mathew Shangpung ha ka minit wa 14 wa u Eddie Savio Pyngrope ha ka minit wa 23.

Ki yalehke ka 1st Division u pynman ar tylli mynstep:

Lurshai Larnai SC Vrs Modymmai SC (12:30 PM)

Khliehtyrshi SC Vrs The A Team (2:30 PM)