Hadien wa ka Shillong ini wa dep yoh ko wow pynman ya ka yalehke International Match wa nyngkong hapyrdi ka India wa Maldives tangwa deiwa kheiñ won da ki yalehbol ki kynthai dadep wow pynman chwa heipor ka South Asian Games 2016.
Ha ka 15 tarik u February 2016, ka India da jop ko ya ka Final yow yoh Gold Medal deiwa jop ya ka Nepal da 4-0 ha JN Stadium deiwa sakhi kamwa 20,000 ngut ki paidbah. Kattu hadien 9 snem tam ka India wa ka Nepal daw yachem biang ki ha JN Stadium kam chibynta ka Tri-Nations International Tournament kawa daw chimbynta leh ka Islamic Republic of Iran.
Ha kani ka Tournament wa pynman da ka All India Football Federation, dawa pynman le tylli ki yalehke ha JN Stadium kiwa daw sdang heipor 6:00 waje i miet heiwa ka India daw yachem ko wa ka Iran ha ka 21 tarik u October, Iran wa ka Nepal ha ka 24 tarik u October wei kawa khaddooh toh ka India wa Nepal ha ka 27 tarik u October.
Discussion about this post