Jop ka Carpe Diem ha ka Women’s League, khlem em wa jop ha ka 1st Division ka WJDSA

Ki yalehke ka West Jaiñtia District Sports Association (WJDSA) da pynteiñ ki ynne da ki yalehke ka 1st Women’s League Football Tournament 2025 wa ka 13th Chatister Kharkongor Memorial Trophy kawa man leh kam ka 1st Division Football Tournament 2025.

Ha ka yalehke ki kynthai, ka Carpe-Diem da jop ko ya ka Sabahmuswang da 3-0 kiwa thap da ka Daphi Dkhar ha ka mitni wa 24, ka Elizabeth Thianglai ha ka minit wa 28 wa ka Baiarbha Nongrum ha ka minit wa 51.

Ha ka 1^st Division ka yalehke da kut ko da 3-3 hapyrdi ka Dulong wa Madan Thadmuthlong.

Ya ka Dulong da thap da u Iasanlang Dohling ha ka minit wa 14 wa 38 wa u Sahame Lyngdoh ha ka minit wa 75 katwa ya ka Madan Thadmuthlong da thap da u Phermi Suchiang ha ka minit wa 30 wa u Nehlang Suchiang ha ka minit wa 66 wa 87.