Jop ka Khimusniang ya ka FUTSAL wa pynman da ka Anti-Narcotics Cell

Jowai : Ka yakop FUTSAL ka wa man leh kam chi bynta yong ka “A Campaign for Positive Addiction” yow riñ ya ki khynnah khynroo khyllood yow pynyoo yei sap yong ki ha ka yaleh bol ki chaad ki rwai wa kiwi da pynkut ya ka ynne ka sngi ha Kiang Nangbah Stadium, Ladthadlaboh.

U SI A. Wahlang uwa pait leh ya ka Anti-Narcotics Cell kawa pynman ya kani ka FUTSAL da khana u wa da pynman ya kani ka lympugn hadien wa em u khynroo na Jowai uwa thoh chithi cha ka ophis u Narendra Modi chaphang wa kyrni ka dih drugs hapoh ka chnong Jowai.

Neiliang ka ophis u Modi da thoh ki cha ka Anti-Narcotics Cell ka Jowai Police Station yow leh ki yeiwa emkaan hei yatoh ini, wei neiliang u Wahlang da pyrkhat u wow pynman da ka FUTSAL-A Campaign for Positive Addiction.

Ha ki ar sngi wa pynman ya kani ka FUTSAL da em leh ki volunteer kiwa da ye u ieh ya ki kaam dih drugs yong ki naddoh kiwa dang khynroo hadooh kiwa da heh.

Related posts

Super Division EJHDFA: Khlem em wa jop ha waroh ar tylli ki yalehke

November 14, 2024

Daw wan yalehbol ka Racing Club de Blackheath kawa na UK ha Wahiajer

November 14, 2024

Neiliang ki khynnah, ki khynroo ki khyllood da wan ki wow e ya ki rwai ki chaad kiwa em lang wa ka wyrta yow pynchlur ya waroh u yait ki na ki drugs.

Kam chibynta ka FUTSAL leh da em ka yakop Basketball Free Throw heiwa u Eborlangmiki Lyngdoh da man u uwa jop wei da yoh u leh ya ka bol Basketball na ka Adidas.

Ha ka yakop FUTSAL won ya ka Final da pynman ha pyrdi ka Khimusniang pyrchah ya ka Luti Tuber. Ka yalehke man ko kawa yoosuk bha heiwa ka Luti Tuber da yoh ko u thap kool nyngkong tangwa ka Khimusniang won da ye ko u su kylliang 3 kool.

Ha kani ka sngi leh da pynbna ya ki ar ngut ki khynnah wa yoh ya i naam ‘Young Promising Player’ u Reformer Pale na Wahiajer SC wa u Hameman Rngad na ka Chilliangraij SC ki wow yoh u lai skur mynkna ha North Liberty Higher Secondary School kamjooh i pynbniah yalehke Football wa ka 7 Wasa United Football Club.

Ya i naam ‘Best Player’ da yoh u Emitre Papang yong ka Khimmusniang katwa yei naam ‘Best Goal Keeper’ da yoh u Womhasa Dhar yong ka Luti Tuber.

Neiliang ka Anti-Narcotics Cell leh da pyntip ko waroh ki Team Manager ye ki u wan chim ya ki Certificate na Jowai Police Station ha ka tayaw wow wan.