Maham ka AICTE ya ki College wa kyntait ya ki khynnah NIOS

Ka All India Council for Technical Education (AICTE) da maham ko ya ki Higher Education Institutions (HEIs) ka ri wym toh u kyntait Admission ki ya ki khynnah wa pyndep puræ na ka National Institute of Open Schooling (NIOS).

Da ini pynskem i wa ki Certificate ka NIOS yaryngkat ki wa ka CBSE, ICSE wa kiwi ki State Board.

Ha ka hukum wa da pynmih, ka AICTE da ong ko wa em ki College wa kyntait Admission ya ki khynnah wa em Certificate na ka NIOS hanlada pyndep ki yei puræ yong ki wei ini man i pyrchah ya ki kyndon krehkaam ka National Education Policy wei i tyngkheiñ yei hok ki khynnah wow pteiñ yei puræ ki.

Related posts

U wai ya u sarok Pasyih-Mynso du ya kiwa lai Synod

February 27, 2026

Pynbna ka Pakistan da ka Open War pyrchah ya ka Afghanistan hadien wa yap 55 ngut ki chipai

February 27, 2026

Ka hukum da klam che ko wa ka NIOS toh ka chnat wa laitlooid hapoh ka Ministry of Education ka sorkar pyrdi wei yaryngkat ko wa ki Board kam ka CBSE, CISCE wa ki State Board wa pait yei puræ puthi. Ki Certificate ka NIOS man ki kiwa ye u pdiang hawa leh Admission cha ki University, Engineering College wa kiwi kiwi katkam ki kyndon ka MoE, UGC wa AICTE.

Ka AICTE da phah ko leh ya waroh ki thaw puræ wow bood salonsar kamwa leh ya kiwi hawa e Admission wei ymtoh u kyntait ya ki khynnah NIOS deiwa maham wow pynchitom ya kiwa leh pyrchah.