Kiwa yalehke ka Meghalaya da sdang ki ya ka Sub-Junior Boys National Football Championship 2025-26 (Tier 2) deiwa jop da 6-1 ya ka Chhattisgarh ha Narainpur, Chhattisgarh ynne.
Hadien wym em wa yoh u thap kool hadien wa kut ka 30 minit, ka Meghalaya da thap ko wut-wut soo kool lyngba u Macstar Nongkynrih (33′), u Marbiang Marwein (34′, 34′) wa u Wanpyndapbor Nongsiej (45’+2).
Ha ka kylla miet, u Iaishanborlang Khongjee da thap u ar kool (69′, 78′) katwa ka Chhattisgarh da yoh ko chi kool ha ka minit wa 72.
U Marbiang da yoh u yei naam Player of the Match.
Ya ka Meghalaya da yahkhmat da u Dapmon Tariang kam u Coach wei da em ki ha ka Group C wei du kiwa yoh nyngkong na jar jiar ki Group u yoh ki wow psiah Semi Final.
Ka Meghalaya kattu daw yachem ko wa ka Andhra Pradesh kawa da rem ha Himachal Pradesh da 3-2 ynne i step.
Discussion about this post