Shillong : U Ribhakupar Shadap, na ka chnong Mookyndeng, West Jaiñtia Hills da jop u ha ka kyrdan rwai Modern Song Category ha ka yakop rwai pyllah wa tip kam ka ‘NE Body Can Sing 2016’ wa pynman ha Aurobindo Hall, Shillong ynnin ka 11 tarik da ka North Eastern Service, All India Radio Shillong kam chi bynta wow e laad ya ki wa rwai ka thaiñ North East waroh ka wi u pynsñiaw ki ya ki sap rwai yong ki.
U Ribhakupar da yoh u leh ya ka song poisa T. 1 Lak katwa kawa yoh wa ar ka Manchai Phom na Nagaland da yoh ko T. 50,000.
U Ribhakupar leh toh uwa da dep jop ya ka yakop rwai pyllah wa tip kam ka ‘SUR’ Season 3 ha u snem 2015.
Ha ka kyrdan ‘Western Song’, ka Seyievinuo Chuzo na Nagaland da man ko kawa jop wei da yoh ko leh T. 1,00,000 katwa ka Lalramzauvi won da yoh wa ar ko wa ka song pois T. 50,000.
Ya ka poisa kiwa jop da kyrchaan da ka State Bank of India.
Kiwa rwai da wan chimbynta ki na kiwa boon ki station ka All India Radio kam na Argatala, Guwahati, Imphal, Itanagar, Kohima, Shillong wa Aizwal.
U Vice Chancellor ka North Eastern Hills University (NEHU) Prof. Krishna Srivastava, Pro Vice Chancellor ka NEHU Prof Dr. Henry Lamin, Additional Director General (Programme & Administration) (NEZ) All
IndiaRadio u D.N.Basumatari wa u AGM ka State Bank of India u Rajeev Arora da saam ki ya ki khusnaam cha kiwa jop.
Ha kani ka yakop rwai pyllah da pynmih leh ya ka ha North Eastern Service, All India Radio, Shillong nadooh 4.30 PM hadooh 7.30 PM, ha u FM 100.1 MHz, 4970 kHz, SW- 60.36 m, kamjooh cha ki station wa em ha Guwahati, Itanagar, Imphal, Aizawl, Agartala Kohima, Gangtok.
Also Read: Jop u Kupar Shadap ya i naam Sur Season 3
Discussion about this post