Ym em mankaam i yaklam wa u DC | Hiar ki seiñ waphær wow kyrchaan yei yakhih ka MCTODA

Hadien 4 sngi i yakhih ka MCTODA pyrchah ya ki Company Cement deiwa pynuiñ ya ki kari kit Cement wa Clicker ha u sarok Jowai Bypass ha Mihmyntdu-Khliehtyrchi, ha ka sngi wa san i yakhih itæ ynnin ka 31 tarik u Naichiphaw, kiwa yahkhmat ka MCTODA da lai ki cha ka miej i yaklam wa da khut da u DC ka East Jaiñtia Hills District ha Khliehriat yow yaklam ya ki mat dawa ka seiñ hei emlang ki bru yong ki Company Cement.

Tangwa neidaw wa ki mat dawa yong ki ym em mankaam ki ha ini i lai yaklam, ka seiñ MCTODA da pynbna ko wow pteiñ biang yei yakhih chakhmat.

Kamtæ ynne ka sngi ki seiñ waphær waphær leh da nang hiar ki wow lai e i kyrchaan ya kani ka yakhih wa kynthup nadooh ka synjuk kiwa yah Local Taxi Sor wa Khapsor, Central Body East Khasi Hills, neitæ ka Pnar Student Movement, ka War Jaiñtia Student Movement wa kiwi kiwi.

Hawa hiar ha kani ka thaw wa pynman yakhih da pynsñiaw haroh ki yei kyrchaan yong ki ya ka yurim pynman yakhih ka MCTODA.

Related posts

Da wai ya ka Square Society ka wow pait ya kiwa duna hei doh i pran wa ki khonswet

November 2, 2025

Yap ar ngut ki chi kurim hei chah tyrrah ha ka Ambulance

November 2, 2025