U chna ya ka yingkieñ na Jongksha cha West Jaiñtia najrong ka wah Umngot, pynbna u Montri ka DoNER

U Montri ka sorkar pyrdi uwa pait ya ka Development of North Eastern Region (DoNER), u Jyotiraditya M. Scindia, hawa wan wow booh mooyurim neibynta ki kaam uiñke suwari kam chibynta ka Integrated Sohra Circuit Development hapoh ka Prime Minister’s Development Initiative for North Eastern Region (PM-DevINE) Scheme kiwa chongdor kamwa ₹233 klur deiwa emlang u Montri Rangbah ka Meghalaya, u Conrad Sangma wa kiwi de ha ka yalang wa pynman ha Kutmadan, Sohra da pynbna u ya kiwa boon ki kaam pynroi wa da wanrah ka sorkar pyrdi.

U Scindia da pynkynmoo u yei chimkhia ka sorkar pyrdi neibynta ka thaaiñ Northeast heiwa daw chna ya u sarok wa 4-Lane uwa jrong 166.8 Km na Meghalaya cha Silchar, Assam hei lut wa ₹22,864 klur, i chna pynheh ya ka Umroi Airport yow ye ki lieñsuiñ wa rap heh wow hiar najrong i pynchna ya ka New Shillong wa kiwi de.

Da ong u wa ka Integrated Sohra Circuit wa da pyrkhat da ka Ministry of DoNER wa ka sorkar Meghalaya toh kawi kawa chlur bha ka kaam wa da leh yow pynku ya ki kaam uiñke suwari hapoh ka Northeast. Neibhha i pynlut dapoi ko palat ₹650 klur heiwa palat ₹221 klur u wan ko na ka DoNER yow pynkylla ya ka Sohra yow pynku ya ka kamai kajih.

Da ong u wa ka Sohra Experience Centre ha Kutmadan u chna hei lut wa ₹115 klur yow pynyoo rong ya ka dustur riti ka Meghalaya heiwa daw em ki Amphitheatre, ki Rain Experience Parks, ki Art Galleries wa ki Craft Pavilion.

Related posts

Pynman ka Nangbah Pohshnong Cultural Association da ka yabob yaphet neibynta ki khynnah

December 21, 2025

Da pynkut yei e sikai wa le bnai ya ki khynnah kynthai wow yada na kiwa chimkabu

December 21, 2025

Neibynta ka kchaaid Nohkalikai u pynlut ₹26 klur, ka Mawsmai Eco Park won ₹29 klur najrong ki bynta ka Seven Sisters Falls Viewpoint, ka Shella Riverside Development wa Wahkaliar Canyon yow pynku yei kamai da 6 chah deiwa booh leh ki Hot-Air Balloon heiwa daw ye wow pynmih hadooh 4,600 tylli ki kreh.

Yow pynmiat pynbha chooh chooh daw chna leh ki luti syngkieñ wa kynthup ya ka Pynursla–Latangriwan–Mawlynnong Road (₹29.97 klur), yow suk i lai i wan cha ka Mawlynnong wa ka Mawshynrut–Hahim (Athiabari) Road (₹99.76 klur).

Yow pynsuk won yei khayi pateiñ ha ki bynta sepsngi ka Meghalaya da booh ya u mooyurim yow chna ya ka yingkieñ ha ka wah Umngot ha u sarok Jongksha–Wahiajer hei lut wa ₹21.86 klur yow pynyabi ya ka East Khasi Hills wa West Jaiñtia Hills.

U Scindia ynne da lai kjat u leh ar kynta lyngba ka Rangthylliang yow poi cha ka yingkieñ jri wa ar mala.