Dawa ka AJP wow pyndam ya ka Concert u Post Malone ha Guwahati | Chna da ka Zubeen Garg University

Ka seiñ saiñhima wa tip kam ka Assam Jatiya Parishad (AJP) da kyntu ko ya ka sorkar pyrdi wow pynkup burom da ka Bharat Ratna kawa man ka khusnaam wa hakhlieh dooh wa e cha ki bru paidbah ka ri neibynta u Zubeen Garg yow tipmit ya ki kaam wa khroo wa da leh u neibynta ka put ka tem ki bru Assamese.

U President ka AJP, u Lurinjyoti Gogoi da ong u wa i sap i phong u Zubeen toh i wym ye de wow nujor wa kiwi wei da man u kam ka yingkieñ hapyrdi ka Assam wa waroh kawi ka India wei da man u leh kam uwa wanrah yei yatylli wei i sarong ya ka dustur riti yong ki Assamese.

Related posts

Da pynkhreh ka sorkar wow chna da ka App yow pynsuk ya kiwa emkaam snaam

June 12, 2026

Da jan dep i puræ bniah ya ka 108 | 60% da e yeiwa paan kiwa kreh: Wailadmiki

June 12, 2026

Da ong u leh wa ka sorkar u Narendra Modi da jooh e ko ya ka Bharat Ratna mar ya khlaad ki bru wa khroo wei u Zubeen leh em hok u wow yoh yeini.

Ka AJP da dawa ko leh wow pyndam ya ka Concert u Post Malone kawa daw pynman ha ka 8 tarik u December neibhah ka sorkar da booh bhah ko Rs. 100 klur neibyta kani wei toh u pynemkaam ka yow sdang ya ka Zubeen Garg University ha Guwahati.