Kynthiar ka khynnah skur wa dang 9 snem na ka mala wa soo ka sur hadooh wa yap | Chah pynbaad ka skur wa murieh ki yei sabut

Ka khynnah skur wa dang 9 snem i rta da kynthiar ko na ka mala wa soo ka yung skur ki bru samen wa em ha Jaipur, Rajsthan hei janmiet ka 1 tarik.

Katkam wa riñ ka CCTV, da yoo wa kani ka khynnah da ku ko ya ka Railing heiwa da chong ko chibet wei da haap ko kamwa 47ft heiwa da yap noh ko.

Yei daw wa jia ini ym put tip wei kani ka khynnah toh kawa lai ksur ha Neerja Modi School wei kawa tip kam ka Amaira wei man ko leh ka khon samen.

Neiliang ka seiñ ki manbei manpa da ong ki wa da jia ini neidaw wa chah mai ko ha skur wei da pynbaad ki leh wa kani ka skur da pyrchang ko wow murieh ya ki sabut heiwa nyngkong ym chah ya ki bru ka chnat puræ puthi wow psiah ki yow takit yeini wa jia.

Manda poi ki pulit da chem ki wa ini i thaw wa jia da em wa pynkhooid yei snaam tangwa ki bru ka Forensics da chem ki yei snaam na chram.

Related posts

Phah pynbait u Montri ka chnat puræ puthi yeiwa bakla ha ka CM Impact Guide Book

November 3, 2025

Sñiawkhia ka WJSU yei joor stang u sarok wa chna na Amlarem hadooh Pdengshakap

November 3, 2025

Kani ka khynnah toh kawa puræ Class-6 wei neiliang ka Joint Parents’ Association of Rajsthan da ong ko wa ini da jia i neidaw wa chah mai ko ha kawi kawa sikai skur hadooh wa leh ko yeini.  

Neiliang ka bei u pa kani ka khynnah da booh FIR hadien 6 kynta iwa jia.