Ha ka sien wa ar pynkhreh lai yaklam biang ka MCTODA wa u DC ka EJH deiwa yieñ skem ha ki jooh ki dawa

Hapyrdi i yakhih wa khlem booh por da ka seiñ ki tre Truck wa kiwa yah Truck hapoh ka lama ka Meghalaya Commercial Truck Owners and Drivers Association (MCTODA) kawa da sdang nadooh ka 27-10-25 deiwa pynuiñ ya ki Truck kit Cement wa Clinker ha u sarok Jowai Bypass ha Mihmyntdu-Khliehtyrshi, neiliang u DC ka East Jaiñtia Hills District ha ka 31-10-25 da khut u ya ka seiñ cha i yaklam chirup i emlang kiwa yahkhmat napoh ka seiñ ki Company Cement ka East Jaiñtia Hills.

Wei neidaw wa i yaklam ha katai ka sngi wym em mankaam katkam ki mat dawa, ka MCTODA da pteiñ biang ko yei yakhih.

Kamtæ ynne ka sngi won ka 3 tarik, ka seiñ da chah khut biang ko ha u DC ka East Jaiñtia neibynta u yaklam ha ka sien wa ar chirup wa kiwa mihkhmat napoh ka seiñ ki Company Cement hi.

Chwa wow lai ki cha katai ka yaklam, ka seiñ hapoh i yahkhmat u President ka Central Body u, Mosklandar Marngar, chirup wa ki dkhot da ya pynman yalang ki ha kani hi ka thaw wa pynman yakhih ki neibynta u ya pyrkhat wei chim rai yow lai biang cha ka yaklam wa khut u DC.

Related posts

Phah pynbait u Montri ka chnat puræ puthi yeiwa bakla ha ka CM Impact Guide Book

November 3, 2025

Sñiawkhia ka WJSU yei joor stang u sarok wa chna na Amlarem hadooh Pdengshakap

November 3, 2025

Ha ini i pynkhreh lai yaklam biang, neiliang ka seiñ yieñ skem ko wow dawa ya ki jooh hi ki mat wa da dep pynsñiaw ko.

Kam wow pynkynmoo wa kani ka yakhih wa khlem booh por ka seiñ MCTODA toh hajrong ka yurim wa ki Company pynmih khyndaw bilat hadooh katni ym pu em bien ki u su bai kit ya ki ha i dor wow ya imlang katkam ka dor sorkar wot hawa boonsien dadep e ki dei thoh cha ki wei yaklam pynbait wa ki bor pynlai District.