U Montri ka chnat puræ puthi, u Lahkmen Rymbui da phah u ya ki heh ka chnat wow pynbait ki yeiwa bakla wa da chem hapoh ka CM Impact Guide Book, kawa man ka kot yarap wa da saam cha ki khynnah Class-X ini wa dep.
U Lahkmen hawa pynche yei thong kani ka Guide Book, da ong u wa kani man donhi ko wow yarap ymtoh ka wow Pass ya ka Exam, tangwa wow yarap u tip ki yeiwa biang kam wow yahluti hei pynkhreh ya ka Exam.
U Montri da ong u wa lada em iwa bakla, toh i kaamram kitu kiwa pynkhreh ya kani ka kot wow pynbait ki wei oo leh dang tip wot u yeini wei da phah u wow pynbait noh yeiwa bakla.
Da ban joor u leh wa kani ka CM Impact Guide Book ymtoh kani donhi ka kot wa pynemkaam hawa sikai ya ki khynnah neibhah ki skur hap ki wow leh katkam ka Syllabus. Hanla kattæ leh da ong u wa manda em iwa bakla toh i kaamram ka chnat puræ puthi wa ka Meghalaya Board of School Education (MBoSE) wow pynbait yeini.
Kam wow kdaw heini wa u Kular Khongjirem uwa sikai ka KJP Girls’ Higher Secondary School, Shillong da kdaw u yeini wa bakla wa da chon ha ka CM Impact Guide Book heiwa da em i bakla yeiwa da e jubab ha kani ka kot iwa ye wow yahbkla ya ki khynnah wa dang pynkhreh ya ka Exam SSLC.
© 2025 WYRTA Khubor Hei Ktien Pnar
Discussion about this post