Uwi u nong India uwa 36 snem i rta da chah rahbor u ha ki Rapid Support Forces (RSF) ha Al Fashir, Sudan hadien wa sdang ka thma poh-ri ha Sudan heiwa u Ambassador ka Sudan cha India, u Mohammed Abdalla Ali Eltom da kular u wow yarap pynlait ya uni u nong India.
Ki chipai ka RSF da khyrrup ki ya ka chnong Darfur hadien wa kær ya ka talawiar la 18 bnai deiwa khang ya ki mar baam wow psiah cha kani ka sorbah.
Ya uni u nong India da tip kam u Adarsh Behera, wei da chah rahbor u na Al Fashir ka sor wa jngai 1,000 km na nongbah Khartoum.
U Adarsh Behera toh uwa na Jagatsinghpur District ka Odisha wei da lai u cha Sudan wow kreh wa ka Company wa tip kam ka Sukarati Plastic Factory le snem nachwa wei em u ka kurim wa ar ngut ki khon chynrang (8 wa 3 snem).
Ha iwi na ki Video, ki chipai RSF da kylli ki na u Adarsh lada tipmit u ya u Shah Rukh Khan.
Discussion about this post