Mih i Video wa chah sympat lathi u President ka MCTODA Jaiñtia Unit heipor wa kem ki pulit  

Hei yakhih ka Meghalaya Commercial Truck Owners and Drivers Association (MCTODA) iwa da kyrriah na Jowai Bypass cha Mawryngkneng ha ka 4 tarik, heipor pyrdi synyaaw da wan ki pulit kiwa da kem ya ar ngut kiwa yahkhmat ka MCTDOA wa kynthup ya u President ka MCTODA Central Body u Mosklandar Marngar wa u President ka MCTDOA Jaiñtia Hills Unit u Heibor Pariat.

I kem ya u Heibor Pariat da yoh ki bru wow riñ Video heiwa da yoo yei chah taan u ha ki pulit na sula hadooh wa lait ka Sweater u wei da lait leh ki juti u.

Hadien ini da em wa yoh u riñ Video yeiwa taan ya u Heibor hadooh wa poi ha i bynta wa pynchong ya oo ha phlang ha i bynta wa phiah ya u sarok heiwa da sñiaw ya u bru wa kyntu ya ki pulit wym toh wow tba ya u Heibor.

Ha iwi won i Video da yoo yei bynta wa u Heibor da pyrchang u wow yut na ki pulit kiwa da ksoh ya oo wei da sympat lathi ki wei ha iwi won i bynta da yoh u wow yut biang tangwa da yoh biang ki pulit wow ksoh oo.

Related posts

Hadooh 85 tylli ki Case wa em pyrchah ya ka KHADC ha High Court

June 18, 2026

Daw pynman ya ka Dorbar Kyrpang wow wanrah ya ka Resolution heiyatoh wa u mooyong: CEM

June 18, 2026

Ha ini i por da em ki bru paidbah wa da wan yow pyrchang yarap pynlait ya u Heibor na kti ki pulit tangwa kini da chah taan ki charood da ki pulit.

Ki pulit da taan wei da rah ki ya u Heibor deiwa rah na kti wa kjat.

U Heibor da em leh ka ujor wa booh pyrchah ya oo ha ka 27 tarik u October yeiwa pynsangeh u deilang kiwi ya ar tylli ki Truck ha Jowai Bypass kam chibynta ka yakhih ka MCTODA heiwa ha ka ujor da ong wa da chah pynkhor wei chah maham kini kiwa yah Truck.