Da: U Nangaibormi Sutnga
Ha kaba iadei bad ka jingmih ka kynrum kynram na ka jingiakhih ka seng ki trai trok, nga ruh kum uwei na ki trai trok, nga kyrshan ia kane ka jingiakhih kaba la lamkhmat da ka MCTODA.
Bad hadien ba nga la iohi lyngba ki kotkhubor ba naka liang ka sorkar ka lah dep pyntikna ba ki company ki lah siew iaka dor bai kit katkum ka rate jong ka sorkar, kumta kum u trai trok nga la buddien ia kane ka jingkam ka sorkar. Hynrei hadien ba nga lah buddien bha, nga la lap pynban ba ka daw baroh ka dei naka jingbakla bad jingtlot ki nongialam ki Association trok na East Jaiñtia bad West Jaiñtia.
Balei nga ong ba ki tlot, ka long halor ka nongrim ba kaei kaba ki iakut bad ki company ban siew iaka dor sorkar naka liang ka company ka lah dep mynjur hynrei ki nongialam ki ar tylli ki Association pat, ngam tip na kaei ka daw pat, ki khlem buddien iaka dor katkum ka Kilometre hynrei ki pdiang thurmur iaka dor bai kit khlem da thew ne iaid lyngba ka dor katkum ka Kilometre.
Kumta halor kane nga sngew ban ong ba ki company ha ryngkat ki Association ki dei ban jurip shwa iaki Kilometre kumba ka dei ban long kata naduh ki jaka thep haduh ki jaka pynhap bad ki company ki dei ban siew thik katkum ka Kilometre khnang ba ki trai trok kin im bad iohnong.
Haka jingbuddien jong nga, nga lap ba ka jingleit jurip iaki Kilometre la lah tang da uwei ar ngut, kata ruh tang ia iwei ar tylli ki cement plant, khlem da jurip ia baroh ki cement factory.
Sa kawei ka jinglap dien jong nga ka long ba kita kiba dei ban jurip iaka Kilometre, watla ki lah dep ioh jingkheiñ iaka jingjngai ne Kilometre, hynrei ki khlem pynbor pat ia kato ka company ban siew bai kit katkum ka Kilometre ba ki lahdep jurip. Kane ka pynsuba jur ia ngi kum ki trai trok.
Nga nud ban pyntikna ba lada ki company ki siew dor kumba la ia kut haka dor 7 tyngka haka shi Kilometre, ki trai trok kin nym duhnong kumba ka long mynta. Hynrei kumba ka long mynta la siew bai kit khlem da thew iaka Kilometre.
Kane ka jingong jong nga kam mut ba nga theh umpjah iaka jingiakhih ka MCTODA, haoid lada ioh iaka dor kumba la dawa ka MCTODA lei ka dang bha shuh shuh. Hynrei kaba nga sngewphylla ka long ba watla naka liang ka sorkar ka ong ba ki company ki lah siew bai kit katkum ka dor ba la buh daka sorkar, hynrei naka liang ki trai trok pat haduh mynta kim pat ioh iaka dor kumba la iakut daka sorkar ha ryngkat ki Association bad ki company
Jin lada dei ba ki paidbah ki ioh dor katkum ba la iakut kata haka dor 7 tyngka, ki trai trok kin nym duhnong than.
Sa kawei ka jingdawa ka jong nga ka long ba ki company ki dei ban pynioh trip iaki trai trok thik kumba la ia kut bad ki Association.
Kumba ka long mynta ki company kila kular ban pynioh trip haduh 40 tylli kawei ka association haka shi sngi, hynrei kaba phylla ka long ba ki trai trok ki ioh trip tang 5 tylli haka shi sngi.
Discussion about this post