Dawa u Himanta wow pynbna wa da biej u Rahul Gandhi

U Chief Minister ka Assam, u Himanta Biswa Sarma da beiñ joor u ya u MP ka Congress uwa man leh u Leader of Opposition ha Lok Sabha, u Rahul Gandhi heiyatoh wa i klam u pyrchah ya ka Indian Army.

U Himanta da dawa u wow pynbna wa da biej u Rahul Gandhi. Chooh chooh da ong u wa u Rahul Gandhi da biej u wei ham klam de heiyatoh yong oo.

“Da klam u katwa poi ha jabieñ wei lada yaleh thma ka India wa Pakistan, daw phiah u ya ka Army da 10-20 Percent? U bru wa khlan toh u em ki wa ki chipai wow yakhun pyrchah ya ka Pakistan tangwa u Rahul da klam u heiyatoh wa ka Percentage hapoh ka Army. Tæ i daw toh u pynbna noh wa u Rahul Gandhi toh u bru wa biej,” ong u Himanta.

Hei klam u Rahul Gandhi heiyatoh wa ka Indian Army da kam u wa ka Army toh kawa pynlai da ki 10% na ki paidbah ka ri, iwa pynyoo wa pynlai ki khroojait ya kiwa boon heiwa u Himanta da jubab u wa ini toh iwa khlem da burom de ya kitu kiwa da e yei mynsien neibynta ka ri wei kopsar kwah Reservation u hapoh ka Army.

Related posts

Pynbna ka JHADC ya ka thup wa ar ki kur ki jait wa da yoh yei tipmit wa kynthup ya ki Biate wa kiwi de

April 30, 2026

Da chem yei metyap ka khynnah wa ngam ha kchaaid Weisawdong

April 30, 2026