Khyrngiat ka Model na Brazil wa mih syndet i dur ko ha India katwa dang pynbaad u Rahul ya ka

Ka Model na Brazil wa tip kam ka Larissa Nery da khyrngiat ko wow yoo yei dur yong ka wa da pynemkaam hei thap Vote tooh kamwa da pynbaad u Rahul Gandhi ha ka Election Assembly 2024 ha Haryana. 

Kani ma Model da pynlait ko yei Video hei ktien Portuguese — heiwa da ong ko wa ki bru da pynemkaam bakla ki yei dur ko yeiwa da ko chon heipor wa dap ko 18 næ 20 snem i rta

Da ong ko wa ki bru ha India da pynemkaam ki ya i dur ko wow thok ya kiwa boon. Yeini da jubab ko hawa em kiwa thoh khubor kiwa kynjoh ktien ya ka na India.

Ini i dur da mih nyngkong i ha ka 5 tarik uni u bnai heiwa u heh ka Congress, u Rahul Gandhi da pynemkaam u dei dur ko ha ka Press Conference, heiwa da pynbaad u wa da mih i dur ko boonsien ha ki EPIC hei pyrtuid wa boonjait deiwa lai thap Vote ha ki Polling Booth ka Rai Constituency ka Haryana.

U Rahul da kylli u “Yeh kaun hai?”, namo kayi kani heiwa da kam u wa ini i jooh i dur da em hei pyrtuid ka Seema, Sweety, Saraswati, Rashmi wa Vimla heiwa da pynemkaam 22 sien ha ki 10 tylli ki thaw thap Vote.

Related posts

Kyntu ka Jaintia Joint Alliance ya ka JAC wa ka MCTODA wow ya krehlang

November 7, 2025

Lada yoh bhah salonsar waroh yei dor wa booh ka sorkar ym pynman yakhih ka MCTODA: JNC

November 7, 2025

Da pynbaad u wa ka Election Commission of India krehlang ko wa u Prime Minister Narendra Modi wa u Home Minister Amit Shah, heiwa u Rahul da pynbaad u wa ka sorkar da pynpra ko ya i synchaar paidbah.

Neiliang ka Election Commission da kyntait ko ya ini i kam ka Congress kam kawa khlem yurim.