4 tylli ki Case ngat ki 4 ngut ki dkhot ka MCTODA | Wa chah kawang moo hap khyrwit lathi ki pulit: SP

U Superintendent of Police ka East Khasi Hills, u Vivek Syiem da khana u wa da pynngat 4 tylli ki mukotduma (Case) pyrchah ya 4 ngut ki dkhot wa kiwa yahkhmat ka Meghalaya Commercial Truck Owners and Driver’s Association (MCTODA), kiwa da pynman yakhih ha Mawryngkneng.

Related posts

Hei lai kynreh ya ki dkhot ka KSU poi ki Tear Gas cha ki yung ki bru | Chrai kiwa chong chnong

August 19, 2026

Dei pdung ki Tear Gas wei lakam ka madan thma ka Jaïaw hei lai kem ki pulit ya ki heh ka KSU

August 19, 2026

Katkam wa ong u SP, wa ha ka 6 tarik uni u bnai katwa ki pulit dang synran ki ya ki Truck kit khyndaw-bilat wa wan na East Jaiñtia Hills, ki kari pulit da chah kawang moo ki hadooh wa da sih ki. Da khana u wa neiliang ka MCTODA da paan jamin ki na ka Kasari, wei chong hei rai yong ka.

U SP da pyntip u leh wa ha katai ka sngi neiliang ki Magistrate kiwa em ha Mawryngkneng da kyntu ki ya ki paidbah wa em ha katai ka thaw wym toh u pynthut ya ki Truck wa lai ha sarok, tangwa hawa wan ki Truck da mih i kawang moo iwa da pynman ya ki pulit wow khyrwit lathi malu mala, wei ym em i leh embor ya ki bru paidbah.