Chah kem boon ngut ki Doctor wa kynthup ya ka kynthai kiwa suba wa emkti hei pynpdung Bomb ha Delhi

I pdung Bomb ha Delhi hajan ka Red Fort Metro Station iwa da jia ha ka 10 tarik da wanrah ko yei yap hadooh 12 ngut ki bru paidbah wei kiwa mynsoo da em palat 20 ngut. Hei takit ki pulit da yoh wow kem ya kiwa boon ki bru wa biang ka puræ puthi wa kiwa biang kyrdan.

Hei takit wa da pynman da antaad wa uni u Bomb da pdung u khlem da poi pyrkhat neibhah ym em dadep wow pynchna bha oo heiwa u Dr. Umar Mohammad uwa mantre ya ka kari wa kit ya uni u Bomb da ieh u ya kani ka kari heini i thaw wei da pdung u hadien ar kynta wei ini wa leh u toh hadien wa tip wa chah kem ar ngut kiwi, kitæ u Dr. Mujammil Shakeel wa u Dr. Adil Rather.

Ya kani ka kari chwa wow poi ko cha Delhi da chem toh kawa em hapoh ka Al-Falah Medical College Campus wa em ha chnong Faridabad, Haryana.

Kiwa chah kem kynthup ki leh ya le ngut ki Doctor na ka Al-Falah University wa em ha Faridabad heiwa chwa wow pdung ha Delhi, ki pulit ka Jammu & Kashmir da chem ki ya palat 3000 Kg i tiar wa pdung na ar tylli ki yung wa em ha Faridabad, Haryana.

Kawi na kiwa chah kem toh ka Dr. Saheen Saeed kawa na Lucknow wei kani leh da chah kem ko heiyatoh wa ki tiar pdung wa chem ha Faridabad heiwa u kurim ko, u Dr. Hayat Zafar da ong uwa da yalait ki nadooh u snem 2012 wei ki ar ngut ki khon ki da sah ki wa oo wei iwi na ki daw wa yalait ki toh neidaw wa ka Shaheen kwah ko wow lai sah noh cha Australia lane cha Europe.

Related posts

Ha u Feb 2026 u chna pyndep ya ka Swimming Pool wa nyngkong ha Jowai

November 12, 2025

Ki tiar hapoh ka Workshop ka Jowai Polytechnic toh ki wym yahaap katkam ka juk, kular u Wailad wow chimkhia

November 12, 2025

Katkam wa chem ka takit, ka Shaheen toh kawa na Daliganj, Lucknow wei da kem ka ha ka 10 tarik neidaw wa man ko kam ka heh ka Jaish-e-Mohammed Women’s Recruitment Wing ha India wei man ko leh kawa yahkhmat ya ka Female Wing ka Jamaar-ul-Mominat.

U kurim ko da ong u wa nadooh wa yalait ki ha u 2012 ym e de yaklam u wa ka.

Kiwi kiwa chah kem kam u Dr. Muzammil Ganaie toh uwa man kam u Doctor ka Al-Falah Medical College and Hospital wa em ha Dhauj Faridabad wei ya uni da chem lyngba ka CCTV wa da lai u boonsien cha ka Red Fort ha u January uni u snem yow pait kammon yada ki pulit ya kani ka thaw.

I chnong tre u toh na Koli iwa em ha Pulwama ka J&K.

U Dr. Adil Rather man u kam u Doctor ka Government Medical College (GMC) wa em ha Anantnag hadooh u October 2024.