Ynne ka sngi u MLA ka Jowai uwa man leh u Montri ka chnat Sports & Youth Affairs, u Wailadmiki Shylla da lai pait u yei kreh ya ka Swimming Pool kawa em ha Kiang Nangbah Government College, Jowai.
Kani ka Swimming Pool toh kawa da chna kam chibynta yong ka Meghalaya Games 2025 kawa da man ha uni u snem tangwa na ki daw wym ye u pyndep heipor da hap wow kyrriah noh ya yakob yimpa cha Shillong heiwa i kreh leh da man noh i iwa sahkut.
Ya u Wailadmiki da synraan da u Chief Engineer ka chnat Sports wa kiwi ki sahep sorkar.
Hadien wa pait yei kreh, u Wailadmiki da ong u wa i kreh katni da lai i chakhmat heiwa da pyndep kamwa 40%-50% i kreh.
Heiyatoh wa i por wow pyndep ya i kreh, u Wailadmiki da ong u wa katkam wa yaklam u wa kiwa kreh da ong ki wow pyndep lut yei kreh ha u March 2026 wei neiliang yong oo leh da ban joor u wa la man katwa man i kreh toh u pyndep hapoh i por deiwa pynneh yei miat namo ka Quality ymtoh wow kreh jhan hi-eh.
Discussion about this post