Ka Shillong Lajong da pynrem ko ya ka Rangdajied United da 3-1 ha ka Final ka SSA Super Cup 2025 wa da pynman ha SSA Stadium, First Ground, Polo ynne i janmiet.
Ka Lalong da chah thap nyngkong ko lyngba u Denelson Pyngrope (25′) tangwa da ye ko wow su kylliang chwa wow kut ka kylla step deiwa yoh Penalty kawa thap da u Iohborlang L Lyngkhoi (45’+2) wei da thap ko sa ar sien lyngba u Wilbert Marbaniang (55′, 72′) uwa da yoh leh yei naam Player of the Final.
Ka Lajong kam ka Champion da yoh ko Rs. 2 lak katwa ka Rangdajied da yoh ko Rs. 1 lak.
Ha kani ka miet da saam leh ya ka khusnaam yong ka Shillong Premiere League 2025 wa da jop da ka Langsning heiwa da yoh ko ya ka song poisa wa Rs. 6 lak katwa ka Lajong kam ka Runner Up da yoh ko Rs. 3 lak.
U Loving Suting na Mawlai da yoh u yei naam Top Scorer deiwa yoh 7 kool.
Neiliang ka Directorate of Sports and Youth Affairs da pynbna ko leh ya ka poisa yarap wa Rs. 10 lak cha ka SSA.
Discussion about this post