Rai pasi ka yung bichaar ka Bangladesh ya ka Sheikh Hasina wa ki ar ngut

Ka yung bichaar wa chna kyrpang (Special Tribunal) ka Bangladesh ynne ka sngi da rai pynrem ko ya ka Prime Minister warim, ka Sheikh Hasina heiyatoh wa ki kaam wa yap ki bru ha katai ka ri ha u 2024 heipor wa joor yakhih wa da pynman da ki khynroo lai puræ kani ka ri. 

Ka International Crimes Tribunal (ICT) toh kawa da thung da ka sorkar Bangladesh wa kattæ wei da rai pasi ko leh ya ar ngut ki bru wa yajan wa ka Hasina, u Home Minister warim, u Asaduzzaman Khan Kamal wa u heh Police warim, u Chowdhury Abdullah Al-Mamun hadien wa chem wa emkti ki hei tynyap bru.

Ini i rai wow pynchitom ya ka Hasina wan i kattu katni bnai chwa wow man ka Election Parliament ha Bangladesh ha u Thohlakhmi (Feb) 2026.

Ya ka Party ka Hasina, ka Awami League leh da khang nei yaleh Election.

Kam wow kdaw heini, ka Hasina da yut ko cha India ha u Naisaphra 2024 hadien i yakhih wa joor ha katai ka ri.

Related posts

Yarap u Sniawbhalang wow pynsuk ya ki warep ka Tyrshang

November 17, 2025

Dawa u MP ka Shillong wow khang ka sorkar yei chna pynjrong doh ki Truck wa man i daw wa smat sih sarok

November 17, 2025

Ya i rai ka ICT ye u yakhun pyrchah ha ka Supreme Court tangwa u khon ka Hasina, u Sajeeb Wazed da ong u wow yakhun pyrchah ya kani ka hukum hadien wa pyndep ya ka Election wei manda chah ya ka Awami League wow yakhun ha ka.

Ka Awami League hawa e jubab yeini i rai ka ICT da ong ko wa kani toh ka rukom bichaar kawa leh chiliang da kani ka sorkar wa kattæ kawa em hei bor khlem da chah jied ha ki paidbah wei neiliang ka Hasina da kyntait ko yeini waroh wa da pynbaad pyrchah ya ka deiwa ong ka kamjooh kiwi ym em pynmih hukum ki wow pynyap ya kiwon kiwon ki bru.

Chooh chooh da ong wa kani ka ICT toh kawa kdong wow pynchitom du ya ki dkhot ka Awami League khlem da takit ya kitu kiwa na kiwi ki Party kiwa lehbeiñ ya ki khian paaid, kiwa em ha kiwi ki niam wot ya kiwa thoh thoh khubor.