Ka 1st Sniawbhalang Dhar Pathfinder Program kawa man ka e Tuition dei mynkna neibynta ka Mathematics wa Science cha ki khynnah wa daw yaleh SSLC dapoi noh ko cha wakut ha ka 15 tarik uni u bnai deiwa pynman ya ka yalang pynhaap pyrda deiwa chimbynta ki khynnah, ki bei ki pa kamjooh kiwa yahkhmat chnong.
300 ngut ki khynnah skur da yoh ki yei sikai ha ki le tylli ki Tuition Centre wa em ha Ummulong Centre, Wahiajer Centre wa Moodop Centre.
Ha ka yalang wa pynlai da u Damechwa Dhar, President ka NPYF uwa man leh u Chairman ka Pathfinder Program, da e Award leh ya ki le ngut kiwa man ka ki Top 3 Performers na kawi pa kawi ka Centre yow pynchlur chooh chooh ya ki yow em ka mynsien yaleh.
U Sniawbhalang Dhar uwa man u Symbood Montri Rangbah ka jylla hawa e yei klam da pynkynmoo u ya ki khynnah wow em i ngait skem ha idæ wei wow kreh chitom nadooh katni yow booh ki yurim wa chkeh yow poi chei jop mynried mankawi wei wow raikut leh yow poi cha ka thong.
Kam chibynta wow e yarap chooh chooh ya ki khynnah da saam leh ki Exam Kit.
Da yoh leh ki kyntien pynchlur na u Trippleson Muksor, Headmaster ka Achiever’s Higher Secondary School wa na u Reformingson Lamare, MDC ka Nartiang Wahiajer.
Neiliang ka NPYF da e ko leh yei kular wa lada em kiwon kiwon ki khynnah na kini ki le tylli ki Centre wa yoh Top-10 ha ka SSLC, daw e ya ki da ka Laptop.
Discussion about this post