Soi soskular u Himanta yow wanrah ya ka that wa kyntang ki Assamese wa em ha British Museum cha Guwahati

Ka British Museum wa ka sorkar Assam da soi ki ya ka soskular namo ka Letter of Intent wow chimwai ya ka that (Vrindavani Vastra) kawa man kyntang bha ya ki Assamese yow booh ka ha Museum ha Guwahati.

Kani ka soskular toh neibynta waroh ar liang wow pynkhreh ki chwa wow pyndep yeiwa da ya kular. 

Kani ka that toh ka that Ryndia wa em Registration Number As1905,0118.4 wei daw pynyoo paidbah ya ka ha Assam Museum hadien wa biang lut i pynkhreh ya kani ka Museum katkam wa dawa i por nadooh i bor yada (Security System) wa i man i long ka la’ær (Environmental Control).

Kani ka Letter of Intent da klam che ko wa ka sorkar Assam wow bahkhlieh yei kit i bah, wow pynneh u yada, ka Insurance wa kiwi kiwi yong kani ka that.

Related posts

Yoh ka Tura ya ka kari lum sarok | Daw pynlut sa Rs. 16 klur kam ka 2nd Phase ka Tura Beautification Project

November 18, 2025

Yap ki 18 ngut na ki 3 pateiñ kawi ka manyung hei iñ ka Bus kiwa na Hyderabad ha Medina

November 18, 2025

Da rai leh wa ya kani ka that daw e wai 3-6 bnai nadooh u 2027.

Kani ka Vrindavani Vastra toh ka that ryndai wa da thaaiñ ha Assam ha ki snem 1500 wa da em ki dur wa khana ya ki por khynnah u Blai Krishna ha Vrindavan wei dapoi ko cha ka British Museum lyngba ka Tibet.

Kani ka that toh kawa da thaiñ katkam wa kdaw u Srimanta Sankardeva uwa da wan yalap niam Vaishnavism ha ki bru Assamese ha ki spah snem 1500 wa 1600 wei da em leh i dawa wow wanrah noh ya kani ka that cha Assam yow neh rta ko ymtoh chibet chipor.