Pynchlur u Ardent ya u Conrad wow pynman dei takit yei pynkrehkaam ya ki Scheme MLA deiwa sdang na Nongkrem Constituency

U MLA ka Nongkrem, u Ardent Basaiawmoit da thoh u cha u Montri Rangbah ka jylla, u Conrad Sangma neibynta ka VPP heiyatoh wa i pynkrehkaam ya ki MLA Scheme hadien wa klam u Conrad ini wa dep heiyatoh wa kani ka jooh ka phang khamtam ha ki Constituency kiwa em ha ka Liang Pyrchah.

U Ardent da ong u wa pdiang u yeini wa da kylli u Montri Rangbah lada pynkrehkaam hok ya ki Scheme deiwa mynjur leh yei emkaam wow man iwa khooid wei deiwa em i bahkhlieh iwa man leh ka yurim wa ka VPP yieñ wei ka leh dadep ko wow phah chithi cha waroh ki MLA yong ka wow pynkrehkaam deiwa khooid.

Heiyatoh wa ini, u Ardent da ong u wa thrang u wow pynman da ka takit wa laitlooid namo ka Independent Enquiry yei pynkrehkaam ya waroh ki MLA Scheme ha waroh kawi ka jylla deiwa pynchlur leh wow sdang yei takit deiwa kheiñ nadooh u snem 2008 chaneiñ wei wow sdang leh ya ka takit na ka Nongkrem Constituency wei wow pynbood won ha kiwi ki Constituency.

U Ardent da kyrmen u wa u Montri Rangbah u chimkhia u yeini neibynta wow tip che kiwa chong chnong ka jylla.

Related posts

Pynbna u SP da ki No Entry ha Jowai yow lait u sahkut kari heipor wa lai wei liwan skur ki khynnah

February 27, 2026

U wai ya u sarok Pasyih-Mynso du ya kiwa lai Synod

February 27, 2026

Puræ leh: Pynchlur u Conrad wow yaleh RTI ha ki Constituency ki MLA ka Liang Pyrchah yow chem lada pynkrehkaam kaam hok ki ya ki Scheme